Sa paggunita ng ika-120 taong anibersaryo ng Proklamasyon ng Kalayaan ng Pilipinas sa Hunyo 12,magsasagawa ang Department of Labor and Employment ng 19 Trabaho, Negosyo, Kabuhayan (TNK) job and business fair sa iba’t ibang pamahalaang lokal sa 14 rehiyon sa buong bansa.

Pinayuhan ni Secretary Silvestre H. Bello III ang mga naghahanap ng trabaho na pumunta sa job and business fair sa kanilang lugar para mabilis na makahanap ng trabaho sapagkat maraming employer ang magsasama-sama sa iisang lugar.

Upang tumaas ang tsansa nilang ma-hire-on-the-spot, pinaalalahanan ni Bello ang mga naghahanap ng trabaho na ihanda ang mga sumusunod na dokumento para sa kanilang aplikasyon: resume o curriculum vitae (magdala ng sobrang kopya para sa iba’t ibang aplikasyon); 2 x 2 ID pictures; certificate of employment para sa mga dating nagtrabaho; diploma at/o transcript of records; at authenticated birth certificate.

Gaganapin ang 2018 Araw ng Kalayaan job at business fair sa mga sumusunod na lugar:

National Capital Region (NCR) – Senior Citizen’s Garden, Rizal Park, Manila

Cordillera Administrative Region (CAR) – Porta Vaga Mall Veranda, Baguio City

Region 1 – Nepo Mall, Dagupan City; Candon Civic Center, Candon City, Ilocos Sur; Pacoy Ortega Gymnasium, San Fernando City, La Union

Region 2 – Tuguegarao People’s Gym, Tuguegarao City, Cagayan

Region 3 – Metro Town Mall, Tarlac City

Region 4A – Freedom Park, Kaingen, Kawit, Cavite; Sunstar Mall, Sta. Cruz, Laguna

Region 5 – Ayala Mall, Legazpi City

Region 6 – 888 China Town Square, Bacolod City

Region 7 – Negros Oriental Convention Center; Cebu City Sports Complex

Region 8 – Provincial Covered Court, Catbalogan City

Region 9 – KCC Mall de Zamboanga, Gov. Camins Ave. Zamboanga City; Zamboanga del Norte Cultural Convention and Sports Center, Gen. Luna St., Dipolog City

Region 10 – Iligan City

Region 11 – Davao City Recreation Center (Almendras Gym)

Region 12 – KCC Mall Convention Center, General Santos City

Ang Trabaho, Negosyo, Kabuhayan (TNK) ay pinagsamang proyekto ng DOLE at ng Department of Trade and Industry (DTI), na naglalayong ilapit ang oportunidad sa trabaho at pagnenegosyo sa mga komunidad.

Ang paggunita sa 2018 Araw ng Kalayaan ay may temang, “Kalayaan 2018 Pagbabagong Ipinaglaban, Alay sa Masaganang Kinabukasan.”

END/aldm/gmea

Like
Like Love Haha Wow Sad Angry